|
Cet atelier s'organise autour d'authentiques silex taillés que les enfants ont le droit de toucher. Il le font prudemment, avec délice, parfois les yeux fermés. Cet atelier fait suite à la projection du film "Un Château Hanté par la Préhistoire" au cours duquel le spécialiste de l'outil préhistorique Jean-Luc Piel-Desruisseaux leur a raconté, grâce à quelques outils clefs, les étapes majeures du parcours de l'humanité.
|
|
Aquel talier s'organiza a l’entorn d'autentics frejals talhats que los dròlles an lo drech de tocar. Lo fan emb prudéncia, emb delici, de còps los uèlhs barrats. Aquel talier ven en seguida de la projeccion del film "Un Château Hanté par la Préhistoire" dins lo qual l’especialista de l'esplech preïstoric Joan-Luc Piel-Desruisseaux lor a contat, gràcia a qualques esplechs claus, las etapas majas del parcors de l'umanitat. E aquò, gràcia a la fabulosa colleccion amassada per Claudi Douce dins lo Castèl de Sauvabuòu qu’es a Aubàs. Entau, aquò’s coma se los frejals filmats sortián del film e qu'òm entrava dins la 3D... Après l'imaginari sollicitat per l'imatge e la benda son originala, lo tocar es estimulat e aquí, d'un còp, òm percep tota la fieretat de l'eretatge a aquela lusor qu’escandilha dins los regards e a las questions judiciosas que son pausadas. Curiositat, vivacitat, suausor, la prumièra data d’aquela virada de projeccion dins las escòlas primàrias realizada emb lo concors de la Comunautat de Comunas « Vallée de l'Homme » se debanèt d’un biais ideal. Se tenguèt dins l'escòla de Las Aisiás, capitala mondiala de la Preïstòria, tot un simbòl, emb lo sosten benvolent de la directritz e dels regents del cicle 3, Severina Négrier, Berengèra Dollé, Julian Kazmierczac e Joan-Felipe Peyrot. Que ne’n sián aicí calorosament mercejats.
|