|
|
ಪ್ರತಿಯೊಂದು ಸಂದೇಶವನ್ನೂ ಇಡೀ ಜಗತ್ತಿಗೆ ಸಾರಿ ಹೇಳಲಾಗದು. ಏಕೆಂದರೆ, ಸಾರ್ವಜನಿಕ ವಿಷಯವನ್ನು ಪ್ರತಿಯೊಬ್ಬರೂ ನಕಲು ಮಾಡಬಹುದು, ಮರು-ಹಂಚಿಕೆ ಮಾಡಬಹುದು ಹಾಗೂ ವೆಬ್ನಾದ್ಯಂತ ಹರಡಬಹುದು. ಆದ ಕಾರಣ, ಹಂಚಿಕೆ ಮಾಡುವ ಮೊದಲೇ ಆ ಕುರಿತು ವಿಚಾರ ಮಾಡಬೇಕು. ನಿಮ್ಮ ಕುಟುಂಬದ ಸದಸ್ಯರು ತಮ್ಮ ವೈಯಕ್ತಿಕ ಮಾಹಿತಿಯನ್ನು ಆನ್ಲೈನ್ನಲ್ಲಿ ಸಂರಕ್ಷಿಸಿಕೊಳ್ಳುವುದರ ಕುರಿತು ಅವರೊಂದಿಗೆ ಚರ್ಚಿಸಿ, ತದನಂತರ ಅವರಿಗೆ ಅವಶ್ಯವಿರುವುದನ್ನು ಹಂಚಿಕೊಳ್ಳಲು ಹಾಗೂ ಹಂಚಲಾಗದ್ದನ್ನು ಸಂರಕ್ಷಿಸಿಕೊಳ್ಳಲು ಅವರಿಗೆ ಸಹಾಯ ಮಾಡಿ. ಕೆಲವು ಸೇವೆಗಳು, ಉದಾಹರಣೆಗೆ Google+, ಹದಿಹರೆಯದ ಬಳಕೆದಾರರ ವಿಷಯದಲ್ಲಿ ವಯಸ್ಕರಿಗಿಂತಲೂ ಹೆಚ್ಚಿನ ಕಠಿಣ ಹಂಚಿಕೆ ಸೆಟ್ಟಿಂಗ್ಗಳನ್ನು ಹೊಂದಿರುತ್ತವೆ, ಆದರೂ ಕೆಲವು ಸೇವೆಗಳನ್ನು ಕುಟುಂಬದ ಪ್ರತಿ ಸದಸ್ಯರ ಅಗತ್ಯಗಳಿಗೆ ಸರಿಹೊಂದುವಂತೆ ಕಸ್ಟಮೈಸ್ ಮಾಡಬಹುದು. ನಿಮ್ಮ ಕುಟುಂಬ ಸದಸ್ಯರು ಯಾವ ರೀತಿಯ ಮಾಹಿತಿಯನ್ನು ಸಾರ್ವಜನಿಕವಾಗಿ ಹಂಚಿಕೊಳ್ಳಬಹುದು, ಕೆಲವೇ ಆತ್ಮೀಯ ಸ್ನೇಹಿತರ ಜೊತೆಗೆ ಹಂಚಿಕೊಳ್ಳಲು ಯಾವುದು ಒಳ್ಳೆಯದು ಹಾಗೂ ಯಾವುದನ್ನು ಖಾಸಗಿಯೇ ಇರಿಸಿಕೊಳ್ಳಬೇಕು ಎಂಬುದರ ಕುರಿತು ಅವರೊಂದಿಗೆ ಚರ್ಚಿಸಿ.
|
