|
|
This group comprises twelve charters granted by Gwenwynwyn, prince of southern Powys, one each by Llywelyn ab Iorwerth, prince of Gwynedd, and his son Gruffudd ap Llywelyn, one by King John, six by members of the deposed princely line of Arwystli, one each by John de Cherleton, and Edward de Cherleton, lords of Powys, and six by other individuals; three documents relating to disputes over land; and three late fifteenth/early sixteenth-century conventual leases granted by the abbot and charter.
|
|
|
Goroesodd hanner cant namyn un o siarteri un ai wedi'u cyhoeddi gan yr abaty neu yn cyflwyno breintiau iddo o adeg ei sefydlu hyd at adeg ei ddiddymu yn 1536. Cedwir y grŵp mwyaf o ddigon ymhlith Archifau Ystad Wynnstay, sef pymtheg ar hugain ohonynt. Mae'r grŵp hwn yn cynnwys deuddeg siarter rhodd gan Gwenwynwyn, tywysog de Powys, un yr un gan Llywelyn ab Iorwerth, tywysog Gwynedd, a'i fab Gruffudd ap Llywelyn, un gan y brenin John, chwech gan aelodau o deulu llinach tywysogion Arwystli, un yr un gan John de Cherleton, ac Edward de Cherleton, arglwyddi Powys, a chwech gan unigolion eraill; tair dogfen yn ymwneud ag anghydfod ynglŷn â thir; a thair les gonfennol a roddwyd gan yr abad a'r cabidwl. Ceir un siarter ychwanegol ymhlith grŵp Wynnstay sef rhodd gan Owain ap Madog, tywysog gogledd Powys, o diroedd ym mhlwyf Llangwm yng nghwmwd Dinmael i abaty Glynegwestl. Fel archif yn cynnwys siarteri gwreiddiol gan dywysogion brodorol Cymreig, nid oes tebyg i grŵp Wynnstay; fel archif o siarteri yn perthyn i abaty yng Nghymru, dim ond archif abaty Margam, Morgannwg sydd yn rhagori arni.
|
