|
|
ആളുകൾ കാണുന്നത് പോലെയല്ല കമ്പ്യൂട്ടറുകൾ ഫോട്ടോകളും വീഡിയോകളും "കാണുന്നത്". നിങ്ങൾ ഒരു ഫോട്ടോ നോക്കുമ്പോൾ, നിങ്ങളുടെ അടുത്ത സുഹൃത്ത് അവളുടെ വീടിന് മുന്നിൽ നിൽക്കുന്നത് നിങ്ങൾക്ക് കാണാനായേക്കും. അതേ ചിത്രം ഒരു കമ്പ്യൂട്ടറിന്റെ കാഴ്ചപ്പാടിൽ വർണ്ണ മൂല്യങ്ങളെക്കുറിച്ചുള്ള ആകൃതികളും വിവരങ്ങളും നൽകുന്ന ഒരു കൂട്ടം ഡാറ്റ മാത്രമായിരിക്കും. ആ ഫോട്ടോ കാണുമ്പോൾ നിങ്ങൾ പ്രതികരിക്കുന്ന പോലെ കമ്പ്യൂട്ടർ പ്രതികരിക്കില്ലെന്നിരിക്കെ, ഒരു കമ്പ്യൂട്ടറിനെ പ്രത്യേക പാറ്റേണുകളിലുള്ള വർണ്ണങ്ങളും ആകൃതികളും തിരിച്ചറിയാനാണ് പരിശീലിപ്പിച്ചിരിക്കുന്നത്. ഉദാഹരണത്തിന്, ഒരു മുഖത്തിന്റെ ഡിജിറ്റൽ ചിത്രം നിർമ്മിക്കാനായി പ്രത്യേക പാറ്റേണുകളിലുള്ള ആകൃതികളും വർണ്ണങ്ങളും തിരിച്ചറിയാനായിരിക്കാം ഒരു കമ്പ്യൂട്ടറിനെ പരിശീലിപ്പിച്ചിരിക്കുന്നത്. ഈ പ്രക്രിയ മുഖം തിരിച്ചറിയൽ എന്നറിയപ്പെടുന്നു, ഈ സാങ്കേതികവിദ്യയാണ് Google-നെ സ്ട്രീറ്റ് കാഴ്ച പോലുള്ള സേവനങ്ങളിൽ നിങ്ങളുടെ സ്വകാര്യത പരിരക്ഷിക്കാൻ സഹായിക്കുന്നത്, സ്ട്രീറ്റ് കാഴ്ച കാർ പോകുമ്പോൾ തെരുവിൽ നിൽക്കുന്ന ആളുകളുടെ മുഖം കണ്ടെത്തി മങ്ങിക്കാൻ ശ്രമിക്കുന്നതിന് കമ്പ്യൂട്ടറുകൾ ഇതുപയോഗിക്കുന്നു. ഒരു മുഖമെങ്കിലും ഉണ്ടെന്നുതോന്നുന്ന ഫോട്ടോയോ വീഡിയോയോ ടാഗുചെയ്യാൻ നിങ്ങളോട് നിർദ്ദേശിക്കാനും Google+ ഫോട്ടോകൾ പോലുള്ള സേവനങ്ങളെ ഇത് സഹായിക്കുന്നു. മുഖം കണ്ടെത്തൽ ഇത് ആരുടെ മുഖമാണെന്ന് നിങ്ങളോട് പറയില്ല, പക്ഷേ ഇതിന് നിങ്ങളുടെ ഫോട്ടോകളിലെ മുഖങ്ങൾ കണ്ടെത്താൻ നിങ്ങളെ സഹായിക്കാനാകും.
|
