|
|
Այսօր ՀՀ վարչապետ Անդրանիկ Մարգարյանի մոտ տեղի ունեցավ հակակոռուպցիոն ծրագրերի հետ կապված աշխատանքները համակարգող հանձնաժողովի հերթական նիստը: Քննարկվեց տեխնիկական առաջադրանքի ծրագրի, ինչպես նաև կոռուպցիայի դեմ պայքարի հայեցակարգի նախագծերի քննարկումների վերաբերյալ վարչապետի կողմից նախորդ նիստում տրված հանձնարարականների կատարման ընթացքը: Նկատի ունենալով, որ հակակոռուպցիոն ռազմավարության ծրագրի մշակման դրամաշնորհի տեխնիկական առաջադրանքի ծրագրի նախագծի վերաբերյալ սկզբունքային առարկություններ չեն եղել, որոշվեց այն հաստատել ամբողջությամբ: Փաստաթուղթն ընդգրկում է նաև միջոցառումների կատարման ժամանակացույցը և առաջարկվող գնումների ծրագիրը: Նախագծի հաստատումը հնարավորություն է տալիս արդեն հոկտեմբերին կազմակերպել ծրագրով նախատեսված ապրանքների ու ծառայությունների գնումների մրցույթները, որոնք իրականացվելու են վարչապետի սեպտեմբերի 17-ի որոշմամբ լիազորված մամնի՝ ֆինանսների և էկոնոմիկայի նախարարության «Արտասահմանյան ֆինանսական ծրագրերի կառավարման կենտրոն» պետական հիմնարկի միջոցով: Վարչապետը հանձնարարեց 10-օրյա ժամկետում քննարկել և լրամշակել նախապես միջազգային կազմակերպություններին ուղարկված և նրանց հավանությանն արժանացած Կոռուպցիայի դեմ պայքարի ՀՀ հայեցակարգի նախագիծը և այն ներկայացնել հանձնաժողովի հաջորդ նիստի հաստատմանը:
|
