|
|
ថ្ងៃនេះសេចក្ដីថ្លែងការណ៍Global Witness ត្រូវបានប្រកាសថាBHP Billitonគឺឋិតនៅក្រោមការស៊ើបអង្កេតលើការរំលោភ ប្រឆាំងអំពើពុករលួយដ៏មានសក្តានុពលដោយគណៈកម្មការមូលបត្រសហរដ្ឋអាមេរិក។ប្រទេសដែលរងការចោទប្រកាន់ថាមានសកម្មភាពទាំងនេះកើតមានឡើងគឺមិនត្រូវបានគេប្រាប់ឈ្មោះទេ ប៉ុន្តែការស៊ើបអង្កេតគឺមិនពាក់ព័ន្ធនិងពាណិជ្ជកម្មរបស់ក្រុមហ៊ុននៅក្នុងប្រទេសចិនទេ។Global Witnessមានសេចក្តីថ្លែងការណ៍ចំពោះសកម្មភាពរបស់ក្រុមហ៊ុននៅក្នុងប្រទេសកម្ពុជាថា ក្នុងឆ្នាំ២០០៩ Global Witness បានបោះពុម្ភរបាយការណ៍មួយដែលមានចំណងជើងថាប្រទេសសំរាប់លក់ ដែលបង្ហាញអោយឃើញពីបរាជ័យនៃអភិបាលកិច្ចដ៏ធំធេងក្នុងផ្នែកដែលដកស្រង់ចេញពីប្រទេសកម្ពុជា។ ករណីមួយក្នុងចំណោមករណីជាច្រើនគឺជាប់ទាក់ទងនឹងការចំណាយផ្សេងៗដោយ BHP Billiton ទៅរដ្ឋាភិបាលកម្ពុជាដើម្បីទទួលបានសិទ្ធិដើម្បីរុករករ៉ែបុកស៊ីតលើផ្ទៃដីចំនួន100ហិកតានៅក្នុងភាគឥសាននៃប្រទេស។សម្បទានគឺជាក្រុមហ៊ុនចំរុះរួមគ្នា(joint venture)ជាមួយក្រុមហ៊ុន Mitsubishi។ក្រុមហ៊ុនបានសំរេចចិត្តច្រានចោលគំរោងក្នុងឆ្នាំ២០០៩ពីព្រោះក្រុមហ៊ុនមិនបានរកឃើញរ៉ែបុកស៊ីតក្នុងបរិមាណមួយគ្រប់គ្រាន់ដើម្បីអាចទាញយកបាន។
|
