|
Haur-kotxe eta -aulkiak irekiak eraman ahal izango dira 40 kilometro baino gutxiagoko ibilbideak dituzten autobusetan, betiere autobus horiek, beren baldintzengatik, horretarako aukera ematen baldin badute. Autobusaren erdiko plataforman ipiniko dute, segurtasun-uhalekin lotuta eta balazta jarrita. Pertsonak izango du bere eta gainerako bidaiarien segurtasunaren erantzukizuna. Horretarako, haur-kotxe edo -aulkiaren ondoan eta honi helduta bidaiatu beharko du. Ibilgailu berean gehienez bi haur-kotxe edo -aulki sartuko dira, betiere gurpil-aulkian mugitzen den pertsonarik ez badago autobusean, edo geltokian gurpil-aulkia erabiltzen duen pertsona bat ez badago. Kasu horretan gurpil-aulkiaren erabiltzaileak lehentasuna izango du haur-kotxe edo -aulkiarekiko. Maletategiak dituzten autobusetan haur-kotxe edo -aulkiak bertan eraman behar dira derrigorrez.
|