|
2007. urtera arte zazpi ISBD espezializatu zeuden baliabide-mota bakoitzerako, eta baita beste Orokor bat ere. 2003an, ISBDko Berrikuste Taldeak, estandar horiek mantentzeaz eta eguneratzeaz arduratzen denak, ISBDen Etorkizuneko Norabidearen gaineko Ikerketa Talde bat sortzea erabaki zuen, ISBD ezberdinen hainbat hitzarmenen arteko anbiguotasun eta inkoherentzia batzuk agertzeak zekarren kezkari erantzun bat eman nahian. Ikerketa Talde horrek ISBD guztiak finkatzea bideragarria zela erabaki zuen, eta behin betiko testu bat prestatzen hasi zen. ISBD bateratua izan zen haren emaitza. Horretarako, urrats batzuk eman behar izan ziren aurretik, Materialen Izendapen Orokorraren berrikusketa esaterako, eta 0 Gunea sortu zen handik.
|