|
Ordenagailuek ez dituzte argazkiak eta bideoak pertsonek bezala "ikusten". Argazki bat ikusten duzunean, zure lagunik onena ikusiko duzu bere etxearen aurrean, esaterako. Ordenagailuaren ikuspuntutik, aldiz, irudi hori kolore eta formei buruzko datu mordoa baino ez da. Ordenagailua, argazkiaren aurrean zuk bezala erreakzionatzeko gai ez bada ere, koloreen eta formen eredu jakin batzuk ezagutzeko treba daiteke. Adibidez, aurpegien irudi digitala osatzen dituzten formen eta koloreen ereduak hautemateko treba daiteke ordenagailua. Prozesu horri "aurpegien hautematea" deritzo eta Google-ri erabiltzaileen pribatutasuna babesten laguntzen dio Street View bezalako zerbitzuetan, horrela, ordenagailuek Street View autotik gertu egon litezkeen pertsonen aurpegiak hauteman eta lausotu egin baititzake. Google+ Argazkiak bezalako zerbitzuetan ere, bideoak edo argazkiak etiketatzeko iradokizunak egiten ditu, aurpegiak daudela iruditzen bazaio. Aurpegien hautemateak ez du zehazten aurpegia norena den, baina argazkietako aurpegiak aurkitzen lagun dezake.
|