|
Manuel Irujok 27 urte zituen Oñatiko Eusko Ikaskuntzaren Kongresua egin zenean (1918). Ez da harritzekoa Kongresu hartan ez izatea bera, kontuan harturik tokiko kulturarekin zerikusia zuten gaiak, garai haietan, elizgizonen eta pertsona helduen kontuak zirela. Urte gutxi izatea ez da sortzaileen artean izatea galarazi zion kausa bakarra; 1918ko gripeak hainbat bizitza eraman zituen, haien artean Irujoren emaztearena. Irujo abertzale goiztiarra da, eta Nafarroako eusko abertzalea. Bere kultura jardueran zehar, agerikoa du izaera hori alderdi bioi dagokienez: abertzalearena eta nafarrarena, hainbat aldiz oinazez egiaztatuak. Eta konpromiso horretan oinarriturik abiatu zuen kultura giro euskaltzalearekiko lankidetza, batez ere Eusko Ikaskuntzarekin gauzatu zuena.
|