|
|
Major excavations, led by Chris Caple from Durham University, have revealed evidence for wooden and stone buildings, dating to the early twelfth-century Anglo-Norman occupation of the site and to later twelfth-century activity, possibly associated with the great prince of Dehuebarth, Rhys ap Gruffudd — known to his contemporaries and to history as ‘the Lord Rhys’.
|
|
|
Mae gwaith cloddio mawr, a arweiniwyd gan Chris Caple o Brifysgol Durham, wedi datgelu tystiolaeth o adeiladau pren a charreg ar y safle, yn dyddio o'r goresgyniad Eingl-Normanaidd ar ddechrau'r ddeuddegfed ganrif, a gweithgarwch hwyrach yn y ddeuddegfed ganrif, a oedd o bosibl yn gysylltiedig â thywysog mawr y Deheubarth, Rhys ap Gruffudd neu 'yr Arglwydd Rhys' fel y'i gelwid gan ei gyfoedion ac y cyfeirir ato mewn hanes. Y canfyddiad mwyaf dramatig oedd sylfaen tŵr crwn mawr, wedi'i adeiladu o lechi ag asiadau clai, ar ben mwnt y castell. Mae hwn bellach wedi'i atgyfnerthu gan aelodau Cadwraeth Cymru, tîm gwaith cadwraeth Cadw, ac mae ail dŵr, wedi'i wahanu o weddill y safle gan ffos serth wedi'i thorri o graig, hefyd wedi'i gloddio a'i ddiogelu. Mae'r gwaith o reoli'r coed a'r llystyfiant yn ofalus wedi gweddnewid golwg y safle, sydd bellach yn gwbl hygyrch i'r cyhoedd. Yn ogystal â deunydd dehongli newydd ar y safle, mae gan Gastell Nanhyfer bellach wefan ddeniadol (www.neverncastle.com).
|
