|
Une hartatik aurrera, bilduman barne hartzen ziren eskuizkribuen ezaugarri nagusia dibertsitatea zen. 1970ean gehitu ziren Benito Pérez Galdósen eskuizkribuak, nobelagilearen familiari erositakoak; 1973an, dohaintzari esker, Enrique Jardiel Poncelarenak; urte bete geroago, Mulhacéngo markes Carlos Ibáñez de Iberoren papera- eta dokumentu-bilduma; 1981ean, Santiago Ramón y Cajalen epistola-liburu garrantzitsu bat; hurrengo urtean, Juan José Domenchinaren paperen dohaina; 1984ean Adriano del Valleren artxibategi pertsonala erosi zen; eta urte bete geroago, askotariko artxibategiak barne hartu ziren, Rafael Albertirena, Celestinorena, Juan Antonio eta Jose María Espinosa Echevarríarena eta Manuel Gil Galarena. 1985ean Alfonso Pasok idatzitako komedia-bilduma garrantzitsu bat lortu zen, eta, hurrengo urtean, Antonio Machadok Guimarri idatzitako 36 eskutitz ezagunak erosi ziren.
|